教我如何去小便
上星期睇排洗（廁所堂），
我企係男廁外面對住尿槽，
見到有條拋物線尿柱，
我就提個個男孩子：「乜乜名！小便既時候專心d唔好玩丫！」
佢係醒目仔，
拋物柱好快向返下。
諗返起當年第一次實習我都未夠廿歲，
第一次跟老師去睇排洗，
我被安排睇男廁，
d小朋友已經學識左除褲自己排排企係尿槽前，
我一入去已經見到好多個青bb既pat pat!
我估一般人唔會一次過見咁多個pat pat ，
少女時代既我當下係好不知所措既😳
然後，當佢地小便完，
一排過轉身對住我，
我見到既畫面係更壯觀既！
十多條何b仔對住我fing fing 下，
然後個班主任話：「老師佢地未識著褲架，你要幫佢地！」
就係咁，我近距離接觸小小的何b仔就係超尷尬既情況下完成左喇！
今時今日，
我已經可以好熟練咁幫佢地著褲攝衫，
摸一摸條尿片知使唔使換，
而且聞得出小朋友疴靚屎定爛屎！
開學初期，
每次入廁所前我都會好自然咁提佢地：「男孩子請你揸住蔭莖小便，唔好滴濕條褲丫！女孩子，條底褲除低d，唔好疴濕丫」
呢d對白有聲無畫都幾三級！
PS 唯有講學名家長無得投訴！其他稱號一律唔係小朋友前講😂
Search